«Երիտասարդությունը շարժման մեջ»

(հասանելի է Հայաստանի համար)

Եվրոպական միության «Երիտասարդությունը շարժման մեջ» ծրագիրը ստեղծված է երիտասարդների համար: Ծրագրի նպատակն է սերմանել ակտիվ եվրոպական քաղաքացիության, համերաշխության և հանդուրժողականության զգացում երիտասարդ եվրոպացիների մեջ և ներգրավել նրանց Եվրոպական միության հետագա կերտման գործընթացում: Այն խթանում է շարժունություն ԵՄ սահմաններից ներս և դուրս, ոչ ֆորմալ կրթություն, միջմշակութային երկխոսություն և բոլոր երիտասարդների ներգրավվածությունը անկախ նրանց կրթական, սոցիալական, և մշակութային նախապատմության. «Երիտասարդությունը շարժման մեջ»-ը ծրագիր է բոլորի համար:

Ծրագիրը ուղղված է 13-ից 30 տարեկան երիտասարդներին: Դրա հիմնական նպատակներն են`

Խթանել երիտասարդների ակտիվ քաղաքացիությունը ընդհանրապես և, մասնավորապես, եվրապական քաղաքացիությունը:
Զարգացնել համերաշխություն և սերմանել հանդուրժողականություն երիտասարդների միջև, մասնավորապես նպատակ ունենալով ԵՄ-ում խթանել սոցիալական միասնություն:
Խթանել փոխըմբռնում տարբեր երկրների երիտասարդների միջև:
Նպաստել երիտասարդների գործունեության աջակցման համակարգերի որակի բարելավմանը և երիտասարդական դաշտի քաղաքացիական հասարակական կազմակերպությունների ունակությունների զարգացմանը:
Խթանել եվրոպական համագործակցություն երիտասարդական դաշտում:

Իր նպատակներին հասնելու համար «Երիտասարդությունը շարժման մեջ» ծրագիրը նախատեսում է հինգ օպերատիվ գործողություններ`

Գործողություն 1` Երիտասարդությունը Եվրոպայի համար, որը նպաստում է երիտասարդների ակտիվ քաղաքացիությանը, մասնակցությանն ու ստեղծարարությանը երիտասարդական փոխանակումների, նախաձեռնությունների և ժողովրդավարական ծրագրերի միջոցով:
Գործողություն 2` Եվրոպական կամավորական ծառայություն, որը օգնում է երիտասարդներին զարգացնելու համերաշխության զգացում` մասնակցելով կամ անհատապես կամ խմբերով հասարակական անվճար կամավորական աշխատանքներում արտասահմանում:
Գործողություն 3` Երիտասարդությունը աշխարհում, որը խթանում է համագործակցություն և փոխանակումներ ողջ աշխարհի երիտասարդների և երիտասարդական կազմակերպությունների միջև:
Գործողություն 4` Երիտասարդների աջակցման համակարգեր, որոնք ներառում են միջոցառումներ` միտված երիտասարդ աշխատողների և երիտասարդական կազմակերպությունների աջակցմանը և նրանց գործունեության որակի բարելավմանը:
Գործողություն 5` Աջակցություն երիտասարդական դաշտում եվրոպական համագործակցությանը, որը նպաստում է երկխոսությանը երիտասարդների և քաղաքականություն մշակողների միջև: